رواية "حبيبي ماعرفت الظلم عشان تكون لي مظلوم" من تاليفي.

هااااي كيفكوووم كيف الصحه

هذا اول موضوع لي وهو روايه من تاليفي

انشالله تعجبكوووم

بس اتمنى من اللي ينقلها
لمنتدى ثاني ينقلها باسمي
واللي ينقلها باسمه رح نتلاقى يوم الحساب

رواااية

حبيبي ماعرفت الظلم عشان تقول لي مظلووم
.................................................................................
في هالزمن الظالم عاشت بنتين يعانون مشاكلهم بروحهم مافي احد يشكون له مافي احد يبكون في حضنه يخفف عنهم همومهم كل وحده تصير عندها مشكله تروح للثانيه "يمكن" تقدر تخفف عنها وتهديها ..
هالبنتين رح يكونون شخصيات اساسيه في روايتنا
...................
خلونا نتعرف عليهم:
............................
سحـــر:(17سنه)"دلوعة الماما والبابا" بنوته مررة حبوبه وطيبه والكل يحبها تدخل القلب بسرعه خفيفة دم والكل يتمنى يجلس معاها ويصاحبها وفيها نذاله مو طبيعيه
اللي ما يعرفها يقول عنها هبله وقاسيه وماعندها مشاعر بس هي مرررره ضعيفه ودمعتها على خدها
تتهرب من هموما عن طريق المزح والمسخره
.......
وصفهاا: طوييله بيضا شعرها طويل وكيرلي دبدوبه شوي
بس مزيوونه والشباب خاقين عليها من عيونها الواسعه والعسليه
خشمها شوي عريض بس محليها اكثر واكثر
شفايفها صغار وورديين بطبيعتهم ورسمتهم مررة حلوة
....................
سمــر:(16 سنه) بنت خال سحر, سحر تصير لها بنت عمتها
بنوته حدها كيووت فيها شوي غرور بس مو مأثر عليها
الكل متجنن عليها بنات وشباب مشهورة في المدرسه ماتسال عنها احد الا وقال اعرفها
هي قووويه بالمرة ونادرا اذا شفت دمعتها تتحمل كل شي عكس سحر
سحر كانت تغار منها شوي لانها اقوى منها وتقدر تتحكم في مشاعرها ودموعها بس ماكانت تبين لها عشان لا تخرب علاقتها ببنت خالها
...........
وصفها: قصيره شوي بيضا شعرها قصير وكيرلي كمان دبودبه
وحلوة نقدر نقول ماعندها شفايف بالمرة من صغرهم
.................................................................
على فكرة سحر وسمر علااقتهم مررررة قويه ما يخبون شي عن بعض
يحبون بعض بشكل مو طبيعي كانهم خواات
يتشابهون باشياء كثيرة بدايه للشكل
وانتهاءا بالاوصاف.

::":: الجزء الاول ::"::
السااعه 3 الفجر :
سحر سهرانه في غرفتها وشابكه المسن وقاعده تسولف مع صاحباتها
واحشينهاا موووت لانها اجازة العيد وصار لها اسبوعين ما شافتهم
ولا كلمتهم
وفجأه شبكت سمر صديقتها واختها وحبيبتها
وجلسوا يسلوفوون:
سحر: هلااا سموره قلبي شلونك
سمر: اهلينات قلبي تمام بشوفتك يالغلا وانتي اخبارك وربي واحشتني
سحر: عسى ما يوحشك غالي ياقلبي انا بخير دامك بخير
سمر: دوووماات
سحر: يدوم غاليك ومغليك
سحر: الا اقول سمووره
سمر:هلا آمريني
سحر: مايامر عليك ظالم ياقلبي
سحر: بس بغيتك تروحي معاي المول بكرا اذا كنتي فاضيه
سمر: اي فاضيه حبيبتي بس وش عندك ليش تبين تروحين
سحر: عندي حفله عيد ميلاد صديقتي وتراك معزومه
سمر:خلااص تم بس بخبر ماما وبابا ومريني بكرا
سحر: خلااص بكرا الساعه 4 اشوفك واقفه عند الباب
سمر: انشالله ياقلبي
......... وكملوا سوالف وهدره
وطبعا القعده ما تخلى من الحش والهدره على بنات خلق الله
وبعدها سحر نعست ونامت.
ولحقتها سمر ونامت كماان
...........
الساعه 3 الا ربع:
دق جوال سحر وطلعت ايدها من الفراش واخذت جوالها
وردت بصووت كله نووم
سحر: الووو
سمر: سحر ويينك مو قلتي تبين تروحين المول ولا غيرتي رايك
سحر: لا ماغيرت رايي ياقلبي بس اخلص واجيك
سمر: طيب لا تتاخرين ترى وعدت بابا اني ما اتاخر
سحر: خلااص اوكي يلا باي
سمر:باي حبيبتي.
سحر سكرت من الجوال وقامت الحمام- عزكم الله - وتروشت
وخلصت اشغالها ولبست
تي شيرت اسود وفيه كتابات بالفووشي و جينز اسود
وشوز فوشي (باليه) واكسسوارات فوشيه
وحطت لها (eye liner) اسود وجلووس وردي فاتح
وطلعت مرررررررة كيوت.
طلعت من غرفتها ونست عمرها وتوجهت للباب على طوول
امها وابوها بصوت وااحد: وين على الله
سحرتقول بقلبها" يووووه نسيت اخبرهم": دارت لهم وقالت
بروح مع سموره المول
ابوها: وليش ماقلتي من قبل لا تطلعين
سحر خايفه ما يوافق : بابا حبيبي والله نسيت خليني اروح بس هالمرة حررام سمر صار لها ساعه تنطرني
امها: خلااص يابو محمد خلها تروح بس هالمرة
ابوها بقلة حيله: خلااص يبنيتي روحي بس مرة ثانيه لازم تقولي لي قبل لا تخططين لطلعه
سحر راحت وباست راس امها وابوها : الله لا يحرمني منكم يالغاليين
............
نتعرف على عايلة سحر
ابو محمد: (49سنه) رجال طيب بالمررة وعياله اهم شي بالدنيا عنده
ويملك شركه خاصه فيه
ويموووت في شي اسمه سحر مدلعها بالمررة
مو مقصر على عياله بشي بس اهم شي عنده الالتزام والصلاة
ام محمد: (39سنه) عندها اطيب قلب شافته البشريه تحب عيالها بشكل مو طبيعي وخاصه سحووره (اخر العنقود)
محمد: (18سنه) اخو سحر الوحيد يحبها بالمررة بس كمان يحب ياذيها ويطفشها طيوب مرة بس نذالته ما تطلع الا عند اخته
وصفه: طوييل بالمرة اسمر جسمه حلو و عضلاات عيونه بنيه وواسعه
وكحيله شعره اسود و طويل شوي ومحليه اكثر
كل البنات خاقين عنده بس هو ماعنده حركات ولا تبع بنات
.................
سحر نزلت على الدرج زي الصااروخ وطلع في وجهها محمد اخووها
وطق فيه عرق النذاله وقال يبي يطفرها:
محمد قعد يصفروقال: كل هالجمال هذا وين رايح
سحر: حمدوو وربي مالي خلقك وتاخرت لما ارجع اقولك
محمد مسوي نفسه معصب: بتقولين وين رايحه ولا احرمك من الطلعه
سحر عارفه حركاته: لا تكفى عاد ترى بابا راضي وماقال لي شي
محمد يستهبل: طيب انا مو راضي
سحر: لا تكفى عاد كللش انا متعطله على رضاك انت وخشتك
اقول يلا ابعد عن طريقي ولا اقول لبابا وانا اللي احرمك من الطلعه
محمد خاف منها لانه عارف ايش رح تسوي وابوه مايرد لها طلب:
لالالالا خلااص توووبه مس سحر يلا بخليك تروحين بس مو قبل ما تقولين لي وين رايحه ومع ميين
سحر بقلة صبر: لحووووووول بروح المول ومع سمور
في شي ثاني .
محمد فز قلبه لما سمع اسم سمر هو ما يحبها بس مايدري ليش ينبسط بسيرتها: طيب خلااص يلا روحي لا تتاخرين
سحر والابتسامه شاقه وجهها: تسلم لي والله يلا باااااااي
محمد يتحمد ربه على نعمة العقل: بااي
......................
سحر في السيارة مع السايق اتصلت على سمر
سمر شخطت في وجهها: سحرووووه وينك انتي وربي خست وانا انتظرك
سحر: معليش ياقلبي انتي انزلي واقولك ايش صار معاي
سمر: طيب يلا انا نازله بااي
سحر: باي
..............................
نزلت سمر ودخلت للسيارة وسلمت على سحر وباستها
ومشوا
سمر: الا ماقلتي لي ايش صار معك؟
سحر: الله لا يرويك حمدووو نشب لي في حلقي وسوا لي استجواب
بس عشان يأخرني .
سمر: ياربييييييييه محمد هذا بس شغلته ينكد عليك حياتك
سحر: على قولتك.. المهم خلنا منه
شرايك بلبسي؟؟
سمر: طالعه تجننني وربي بيخقون عليك اللي في المول
سحر ووجهها تلون من الحيا: تسلمين ياقلبي والله انتي بعد تجنني
سمر: تسلمين حبيبتي
وقبل لا يوصلون لمول الظهران عدلو عباياتهم و رجعو حطو الجلووس مرة ثانيه يعني باختصار ناويين يجلطون الشباب
..............
واول ما دخلو المول عيون الشباب طايره عليهم وتعليقات رايحه وتعليقات جايه
هم مو عاطينهم وجه يعني مسويين ثقل
صحيح انهم خاقين على الشباب بس ما يحبون يعطونهم وجه يخافون يتمادون معاهم
.................
اذا عجبتكم رح اكملها
سي يوووو